PHP Ngapak

Wednesday, October 28, 2015

Ngoprek Virtual Host Nganggo XAMPP Nang Windows

Dulur, priwe kabare? moga-moga pada apik-apik bae ya, mangga padha disruput dhisit wedange kopi apa teh, nek ana jalabiya apa mendoan kayane lewih nylekamin kayane ya :)

Dina kiye nyong kepengin gendhu-gendhu rasa karo rika padha mbahas kepriwe carane nggawe virtual host nganggo xampp (inyong nganggone xampp versi 5.6.8 sing portable) nang Windows (inyong nganggone Windows 8.1 Pro). Kayane si ya carane akeh, mung inyong arep mbahas carane inyong, inyong njaluk ngapura dhisit nek carane mandan salah apa kepriwe, nek salah ya tulung rika komen ditidokna salaeh nang ndi trus kepriwe cara sing bener dimen sedulur-sedulure inyong ora melu-melu salah, iya apa iya jajal?

Nek arep donlot xampp versi 5.6.8 jajal ming ngeneh dhisit
http://sourceforge.net/projects/xampp/files/XAMPP%20Windows/5.6.8/xampp-win32-5.6.8-0-VC11.zip/download

Dulur, ana telung langkah (jane si ya loro kayane ya) nek arep nggawe virtual host nganggo xampp:
1. ngedit file HOSTS, file kiye ana nang folder c:\windows\system32\drivers\etc
2. ngedit file HTTPD.CONF, file kiye ana nang folder c:\xampp\apache\conf
3. ngedit file HTTPD-VHOST.CONF, file kiye ana nang folder c:\xampp\apache\conf\extra

manjuh maring langkah kaping siji: ngedit file HOSTS

sing perlu dicatet, nek rika arep ngedit file HOSTS rika kudu dadi ADMINISTRATOR (nek nang linux jenenge ROOT), dadi pestekna dhisit rika tipe akun-e kudu administrator

siki jajal rika klik kanan editore rika (Notepad++ utawa Sublime Text utawa Atom nek nang komputere inyong) terus klik Run As Administrator

Wis apa durung? nek uwis jajal klik menu File > Open

mengko kotak dialog OPEN, trus tulis jeneng file sing arep dibukak, gambare kira-kira kaya kiye

nek wis ditulis jeneng file sing arep dibukak (file HOSTS), jajal dideleng isine, nek file sing dibukak kuwe urung tau diapak-apakna isine kira-kira kaya kiye

critane file HOSTS kiye gunane dinggo nyimpen daftar domain karo pasangan alamat IP-ne

jajal siki di-isi

Wednesday, March 18, 2015

Ngecek Form Isine Bener Apa Ora Nganggo PHP

Jane cara ngecek isian nang form bener apa ora bisa nang rong panggonan:
1. Sekang ngarep, basa jawane frontend
2. Sekang mburi, basa jawane backend

Nek sekang ngarep bisa nganggo javascript, nek sekang mburi gumantung karo basa sing dinggo, ana sing nganggo perl, php, asp, python, ruby, java, scala, nodejs, mbuh liane aku ora tau nganggo

Njuh siki jajal nganggo PHP

Jajal siki rika nggawe formulir kaya kiye, trus simpen nganggo jeneng formulir.php

<!DOCTYPE html>
<html>
<head><title>.</title></head>
<body>
<form method="POST" action="proses.php">
<input name="umur" /><input type="submit" />
</form>
</body>
</html>

Nek rika nggawe formulir, aja kelalen si PHP-ne dikon ngecek ana variabel sing dikirim apa ora, contone nganggo ISSET kaya kiye, jajal simpen nang file proses.php

<?php

if (isset($_POST['umur'])){

   // formulire diproses nang kene

}

jajal dideleng, nek wis mesti ana variable umur sing di POST, siki rika kudu mikir, kae isiane angka apa string.

PHP nduwe fungsi jenenge is_numeric dinggo mriksa kae variabele angka apa dudu

jajal deleng kaya kiye

if (isset($_POST['umur'])){
   $umur = $POST['UMUR'];
   if (is_numeric($umur)){
      echo 'Rika bener ngisi umure angka kae';
   } else {
      echo 'Jan, rika priwen si ngisi umur malah nganggo jenenge bojo nom?';
   }
}